Qallunaat politikeriinik nalilersuinerit qanittumi saqqummissapput

WikiLeaksip ungasinngitsukkut allakkat Danmarkimut tunngasut saqqummersippagit qallunaat politikerit nuimasut USA-p Danmarkimi aallartitarisimasaata qanoq isumaqarfiginerai atuarneqarsinnaassapput.
decembarip 01-at 2010 09:48

USA-p 2005-miit 2009-mut aallartitarisimasaa, James Cain, oqaluttuarpoq, uppernarsaatit taakku nammineq allassimallugit.

James Cain malillugu allakkat tassaapput "qallunaat politikkikkut siuttussaanik sukumiisumik misissuinerit". Taamaattumik maannakkut ministeriusup, Lars Løkke Rasmussenip, aamma socialdemokratineersup Helle Thorning Schmidtip, Cainip qanoq isumaqarfigisimaneraatik takusinnaassavaat.

Allagarisimasai aamma nersualaarinninnerugunanngillat, Cainimi oqaluttuarpoq allakkat præsident Bushimut toqqaannartumik ingerlasussanngorlugit allagaasut.

- Allakkat kikkunnut tamanut saqqummiunneqarpata nunap sillimaniarnera annertuumik innarlersinnaavaa, Cain TV-kut apersorneqartilluni oqarpoq. Ilanngullugu oqaatigaa WikiLeaksip saqqummiussaasa USA-p Danmarkillu akornanni pissutsinik aseruissanngitsoq neriuutigalugu.

Paasissutissalli tamakku suli saqqummersinneqanngillat, qaammatillu tulliuttut tamatuma pinissaa naatsorsuutigineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq