Qallunaat nunarput sinersorusuppaat
Umiarsuarnut takornariartaatinut ilaalluni nunarput sinerlugu angalanissaq qallunaanit ukiormanna soqutigineqarluarpoq. Tamanna Danmarkimi angalatitsiviit ilaanni nuannaarutigineqarpoq.
Allattoq Elisa Isaksen
- Umiarsuarnik Kalaallit Nunaata sineriaanut 2011-mi angalatitsinissavut tamarmik ulikkaareerput aamma aasaanerani Qeqertarsuup Tunuanut takornariarnissaq soqutigineqartorujussuulluni, Albatros Travelimi pisortaq Søren Rasmussen aviisimut Berlingske Tidendemut taama oqarpoq.
Ukiormanna takornariarfigiumaneqarnerpaamik siulittueqqullugit, aviisip angalatitseqatigiiffiit pisortaat arlallit qinnuigisimavai, Albatros Travelillu Nunarput ornikkumaneqarnerpaatut toqqarpaa, matumani "pinngortitap pinnissusia" pissutaasoq, pisortap Søren Rasmussenip oqaatigaa.