Qallunaat Nunaata nakkutilliinissaanut ujartuivoq
Aatsitassaqarnermut naalakkersuisoq, Ove Karl Berthelsen, aviisimi Inginiørenimi, ullumi saqqummersumi, issittumi uuliamik assartuinermut tunngatillugu Nunatsinni uuliamik nassaartoqarsinnaaneranut atatillugu taama oqarpoq.
Taamaattoqassappat Kangilinnguani sakkutuut issittup imartaani nakkutiginninnerulernissaat Ove Karl Berthelsenip kissaatigaa.
- Immami uuliamik qalluinermi akuiaanermilu navialiffiusinnaasorpassuaqarpoq, sakkutuullu imarsiortut immikkut iliuuseqarsinnaanerat kissaatiginarpoq, taama Ove Karl Berthelsen aviisimut oqarpoq.
Ove Karl Berthelsenip oqarnera naapertorlugu Nunatta uuliasiornermik iluanaarutini nakkutilliinerunermut atornianngilai.
- Tamanna Danmarkip akisussaaffigaa, Ove Karl Berthelsen oqarpoq.