Qallunaat naaggaarput
Danskit EU-mut inatsisinut tunngatillugu qinersinerat ersarilluinnartumik naaggaarneruvoq.
Allattoq Jonas Fievé
decembarip 03-at 2015 18:21
Nutserisoq Kerté Jeremiassen
Qinersinerup takutippa 95 procentit missaat kisinneqareersullu 53,2 procentit naaggaartut, EU-mut inatsisinut tunngatillugu taasinerat naaggaarneqartoq, 46,7 procentillu angersimasut.
Taamaalilluni Danmark EU-mi inatsisilerinermik suleqatigiinnissamut suli avataaniiginnassaaq.
Qinersiviit Danmarkip nalunaaqutaa malillugu arfineq pingasunut matuneranni, nalunarunnaariartorpoq, Danmarkip EU-mut inatsisitigut naaggaartoqartoq, EU-mi inatsisitigut tapiliussatut, soorlu pineqaatissiinermi inuinnaallu eqqartuussivianni EU-p inatsisaasa avataaniiginnassasoq.
