Qallunaat malittarisassaat atulerpaat
Taamatut aalajangerneq pivoq Nunat Avannarliit Siunnersuisooqatigiivisa qanoq iliuuseqartoqarnissaanut kaammaattuuteqareernerisa kingorna, EU-mimi innuttaasut 50.000-it orsoq navianartoq taanna ukiumut toqqutigisaraat nalilerneqarpoq.
- Orsup aammi orsoqarpallaartitsisalersinnaasup atorneqartarneranut Danmarkip malittarisassai Islandip kiisami malinnialerpai. Inuup inuuneranik tamanna annaasseqataassaaq, neriuppungalu tamanna nunat avannarliit allat aamma malikkumaaraat, taamaalilluta EU tamaat sunniivigisinnaagatsigu, islandimiut Nunap Avannarliit Siunnersuisooqatigiivini ilaasortaatitaat, Siv Fridleifsdóttir, oqarpoq.
Qallunaat misissuinerisa takutippaat orsup aammi orsoqarpallaartitsilertarnerata ajoqutigisartagai, 2004-milu Danmarkimi malittarisassaliortoqarpoq, nerisassat 100 grammiuppata nerisassani orsoq aammik orsoqarpallaartitsilersinnaasoq annerpaamik 2 grammiussasoq. Tamannalu kinguneqarluarsimavoq.
Danmarkimimi misissuinerit takutippaat nerisassiat ineriikkat aammi orsoqarpallaartitsilersinnaasumik orsumik 0,4 grammimik akoqartartut, kisitsisilli nunani allani qaffasinnesut, soorlu Finlandimi 10 grammiuvoq, Sverigemi 14 grammi, Norgemi 16 grammi, kiisalu Islandimi 35 grammiulluni.
