Qallunaat ingerlaqqissangatinneqarput
Nunat tamalaat erinarsornermik unamminerat Det Internationale Melodi Grand Prix unnugu ingerlateqqinneqassaaq - tamatumanilu Danmark ataqqinassutsiminik illersuiniarluni akiuutissalluni.
maajip 27-at 2010 10:06
Qallunaat unammissutigisassaat marluullutik erinarsortartunit Chanée og N'evergreenimit erinarsorneqassaaq taaguutilik "In A Moment Like This".
Eqqoriaasartullu naapertorlugit qallunaat peqataasut arfininngorpat ajugaaniutivinnissamut anngunnissamut periarfissaqarluassapput.
Tuluit Nunaanni eqqoriaasitsisartuni Ladbrokesikkunni Danmark ajugaasussatut eqqoriarukku akiliutivit arfineq-marloriaataanik iluanaassaatit.
Ajugaaniutivinnissamut anngunniunneq unnugu knr-tv-kkut aallakaatinneqassaaq soorlu aamma ajugaaniutivinneq arfininngorpat aallakaatinneqarumaartoq. Arfinninngorpallu qatanngutigiit Olsenikkut ajugaanerannit ukiut qulit qaangiunnerat nalliussineqassaaq. Tassami erinaq "Fly on The Wings of Love" 2000-imi Stockholmimi ajugaassutigaat.
