Qallunaat ilinniartitsisut tapersiipput
Danmarkimi ilinniartitsisut katuffianni Danmarks Læreforening-imi ilaasortat Kalaallit Nunaani meeqqat atuarfiini atorfinnut IMAK-ip isumaqatigiissuteqarfigisaanni atorunnaarsinneqartuni qinnuteqarsinnaassanngillat, uani pineqarlutik ilinniartitsutut paarlatsitut timelæreritullu atorfiit.
Atorfinnut nutaanut mattussilluni tapersersuinermi, ilinniartitsisut Kalaallit Nunaanni meeqqat atuarfiini atorfeqareersut pineqanngillat, Danmarkimi meeqqat atuarfii pillugit aviisimi Folkeskolenimi taama allaaserisaqarpoq.
Atorfinitsitsinermut mattussineq unioqqutinneqarpat, Danmarkimi ilinniartsitsisut kattuffiannit Danmarks Læreforening-imit ilaasortaajunnarsitsinermik kinguneqarsinnnaavoq aamma kingusinnerusukkut ilaasortanngorsinnaanermut pisinnaatitaaffik atorunnaarsinneqassasoq erseqqissarneqarpq.
IMAK-ip isumaqatigiinniarnermini ajornartorsiuteqarnera, nunani avannarlerni ilinniartitsisut kattuffiannit taperserneqarpoq, sapaatip akunnerani kingullermi kattuffik isumasioqatigereerlugu, tapersersuineq nalunaarutigineqarpoq.
- Kalaallit ilinniartitsisuisa atugaat aamma isumaqatigiinniarnerit sivitsornerat toqqissisimanartinngilarput, nunani avannarlerni ilinniartitsisut kattuffissuat tapersersuinerminik taama nalunaaruteqarpoq.
