Qallunaat helikopterii Irakimi alapernaarsuilerput

Qallunaat helikopterii siullermeerlutik Irakimi ulapaartinneqarput. Helikopterit nunat allamiut sakkutuui ikiortussaavaat aqqusernit sinaani qaartartuliat kiisalu pikitsitsiniat sumiinnerinik kalerrisaarisartussaagamik.

Qallunaat sakkutuui sap.ak. kingulleq angerlarartinneqaraluartut, qallunaat helikopterii Irakip silaannaani ullumimiit ulappuseruttornialerput. Ukiortaarnissaata tungaanut qallunaat Fennec-helikopterii sisamat nunat allamiut sakkutuuinut Irakip kujataata´kangiatungaani nakkutilliillutik ikiuutissapput.

Nakkutilliinerit siulliit unnuakkut pilersaarutit malillugit ingerlanneqareerput, taama oqaluttuarpoq, sakkutuut tusagassiisartuat, Anders Madsen, Ritzau-mut, qallunaat helikopterinik nakkutilliisuutitai 55-iupput.

-Helikopterit ilaatigut Kuwaitip Irakillu akornani atortussanik taquassanillu assartuisunut nakkutilliisuullutik ulapaartinneqartarsimapput. Anders Madsen nangippoq.

Isumannaallisaaneq eqqarsaatigalugu paasissutissiisinnaannginnerarpoq helikopterit saassunneqartarsimanersut imaluunniit sakkutuut aqqusernit sinaaniittunik qaartartunik ajoqersuunneqartarsimanersut pikitsitsiniat matoorsimasaannik.

Qallunaat helikopteriisa suliassaat tassaavoq, sakkutuut nunamiittut iligiit ikiorniarlugit heliptopterinik marlunnik piareersimasuutitaqartuarnissaq, Ritzau taama tusagassiivoq.