Qallunaat Faxe Cup-imut qaaqqusaapput

Arnat assammik arsarlutik unammisarnerat Faxe Cup ukiormanna ukiunik 20-nngortorsiortussanngorpoq.
Allattoq Noah Mølgaard
januaarip 24-at 2011 07:19

Helsingør IF 1990-ikkut qiteqqunnnera soriagassaanngiusarlutik Faxe Cup-imi ajugaasut arnat Nuummi unammersuarnissaannut qaaqquneqarput.

Aaqqissuisut siusinnerusukkut nalunaareerput atlantikup avannaamiut unammersuarnissamut nunatsinniit peqataasussat saniatigut qaaqquneqarumaartut iligiit Islandimiit, Savalimmiuniit, Danmarkimiillu.

Helsingør Dagblad naapertorlugu Helsingør IFip qaaqqusissut suli tamuavaa.

Iligiit taakku Sjællandip avannaamiut Nuummut angalanissartik nammineq isumagisussaavaat Nuummiinneralli nerisaqarnerallu aaqqissuisut GSS-imeersut isumagissallugu.

Faxe Cupimik aaqqissuisut arlaleriarlutik siusinnerusukkut iluatsittarpaat Danmarkimiit peqataaussanik tikisitsisarlutik. Sulili maannamut iluatsinneqanngilaq Islandimiit Savalimmiuniillu peqataatitsinissaq amerlanertigut billitsit akisunerat aporfiit annersarisarlugu.

Helsingør Dagblad naapertorlugu tuluit nunanut allanut unammisartui aamma qaaqquneqarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq