Qallunaat amerlanerit dronningi soraarninngoqquaat

Dronning Margrethe soraarninngornissaminut piareerpoq atorfialu inuusunnerusunit inuttalerneqartariaqarpoq, qallunaat Danmarkip Radioanit isumasiorneqartut 1029-inik amerlassusseqartut taama isumaqarput.
Allattoq Jaaku Lyberth
marsip 05-at 2010 04:58

Dronning Margrethep qaammatip tulliani 70-iliinissaanut atatillugu qallunaat isumasiorneqarput.

DR-ip isumasiuisitsinera kunngikkormiunik illersuinnginnertut paasineqassanngitsoq, siunissaq pillugu ilisimatusarfimmi pisortaq Johan Peter Paludan oqarpoq,

- Isumasiuineq kunngikkormiut pillugit isumasiusitsinerunngilaq, isumasiusitsinermili Dronning Margrethep dronningitut atorfia pineqarluni.

Danmarks Radiup isumasiusitsineranit inernerit, danskit tamakkiisumik Dronning Margrethe pillugu isumaannit allaanerungaanngilaq, taakkunatigut malugineqarsinnaammat, Dronning Margrethe dronningitut soraarninngoruni iluaqutiginerussagaa eqqissisimaarlunilu, Peter Paludan oqarpoq.

Danmarkip Radioata TV-kkut aallakaatitassiaani nangeqqattaartuliami "Kongehuset Indefra" Kunngikkormiut ulluinnarni suliaat malinnaaffigineqarsinnaapput, aallakaatitami dronning Margrethe ilaatigut oqarpoq, dronningitut soraarninngornissaminik pilersaaruteqarani.