Qallunaaq RG-mi siulittaasutut piukkunneqarpoq

Suliffeqarfissuarnik ingerlatsinermik misilittagalik, Niels de Coninck-Smith, Royal Greenlandip siulersuisuini siulittaasussatut piukkunneqarpoq, taama Sermitsiaq Inuussutit ullumi saqqummersoq allaaserinnippoq.

Qallunaaq inuussutissarsiornermi pisortaq Niels de Coninck-Smith Royal Greenlandip siulersuisuini siulittaasutut naalakkersuisut ullumi ataatsimiinnerminni toqqassagaat naatsorsuutigineqarpoq, avammulli saqqummiunneqarnissaa Royal Greenlandip sisamanngorpat 18. februaari ataatsimeersuarnissaani pissaaq. Maanna Royal Greenlandip siulersuisuisa siulittaasoraat Peter Grønvold Samuelsen, Polaroilimi pisortaq.

Inuussutissarsiutinik ingerlatsinermik misilittagalimmik toqqaanermikkut Naalakkersuisut anguniarpaat selskabimi siulersuisut sulianik ilisimasaqarnerusunik inuttaqartinnissaat, taamaammat aamma ataatsimeersuarnermi siulersuisuni ilaasortat arlallit taarsissangatinneqarput.

Niels de Coninck-Smith Tuluit Nunaanni najugaqarpoq ilaatigullu nakorsaasiornermi ingerlatsiviup Ferrosanip siulersuisuini ilaasortaalluni, ingerlatsivimmilu tassani aamma 2001-imiit 2008-mut pisortaasimavoq.

Tamatuma saniatigut Niels de Coninck-Smith selskabit allat arlallit siulersuisuini attaveqaqatigiinnilu VL-gruppe 48-mi ilaasortaavoq.

Suliffeqarfissuaq Royal Greenland ukiuni 2008/2009-mi naatsorsuutiorfiusuni 196 millioni koruuninik amigartoortoq. RG-p namminersortunngorsarnissaa eqqarsaataavoq, pisinissamillu soqutiginnittunik nalunaartoqareersimasoq, Sermitsiaq allaaserinnippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat