Qallunaaq Jazzillammassuaq toquvoq

Jazzillammassuaq Papa Bue, Arne Bue Jensenimik kuissutilik, sivisuumik napparsimareerluni, 81-inik ukioqarluni toquvoq.
Allattoq Carla Davidsen
novembarip 03-at 2011 11:06

Papa Bue Danmarkimi jazzernerup iluani taamaallaat ilisarisimaneqanngilaq. Nunarsuaq tamakkerlugu  ataqqiniarneqartarpoq, New Orleans Jazzimik taaneqartartumi nipilersullammassuartut ilisimaneqarluni.

Papa Bue's Viking Jazzband 1958-imi pilersippai, taakkulu nunarsuaq tamakkerlugu tusaamasaapput.

Papa Bue's Viking Jazzband amerikamiunik tusaamasarsuarnik nipilersoqateqartarput, soorlu George Lewis, Earl Hines, Stuff Smith, Ben Webster aamma Wild Bill Davison.

Nipilersortartut Europap annersaani, Australiami Kangianilu ungallermi tusarnaartitsisarsimapput. Nipilersortartutut amerikamiuunngitsutuaallutik New Orleansimi 1969-imi  jazzfestivalertuni peqataapput, Papa Bue-lu taamani ataqqinaaserneqarpoq.

Nipilersoqatigiit New Yorkimi Newport Jazz Festivalimi 1972-imi peqataapput, isornartorsiuisartunit alapernaaserneqarlutillu malinnaaffigineqaqalutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq