Ole Jørgensen, kalaallinik siulilik isumassarsisuusoq Randers Amtavis allappoq. Taassuma hotelip pisortaa ilisarisimavaa ilulialiornissamillu qullilersukkamik siunnersuuteqarfigalugu.
Iluliaasaq betonimik qaqortumik kuisaavoq amitsunillu qullernik attavilersugaalluni unnukkullu arsarnerit qalipaataannik qulleeqqanik ikittaartarluni.
- Qulleeqqat LED-it iluliaasamiittut innaallagassamik atuinerat qaammartartuaqqap innaallagissamik atuinera assigiinnarpaat, Hotel Arcticip pisortaa Erik Bjerregaard oqarpoq.
Iluliaasaq 750 kiluusoq pingasunngorpat nunatsinnukaanneqassaaq pilersaarutillu naapertorlugit Hotel Arcticimut oktobarip 15-anni ikkunneqassaaq.
Suliaq innuttaasunut oktobarip 20-anni nalunaaqutaq 17 saqqummiunneqassaaq.