Qallunaaq aalakooqaluni biilertoq tigusarineqarpoq
Angut 47-nik ukiulik 3,8-mik promilleqarluni Løkkenimi sissami biilertoq politiinit ippassaq unnukkut tigusarineqarpoq.
Allattoq Nauja Møller
Angut niviarsiaqqanik marlunnik sissami pinnguaqateqarsinnarluni biilinut ingikkami aquttarfimmi sinilersimavoq, kinguninngualu niviarsiaqqat marluk ilaasoralugit biilerluni aallartoq, takunnittumit politiinut oqaatigineqarpoq.
Kinguninngua angut angerlarsimaffimminiittoq politiinit nassaarineqarpoq, aalakuungaatsiarsimasorlu misissuinerup aamma takutippaa.
- Angutip uuttuummut supunerata takutippaa 3,8-mik promilleqartoq, tamannalu annertungaatsiartutut oqaatigineqarsinnaavoq, Nordjyllandimi Politiini aqutsisut ilaat Aage Pedersen oqarpoq.