Qallunaaq 33-inik ukiulik aktie-nik perulluliuuteqangaatsiarsimavoq
Sverigemi eqqartuussivik aalajangiisimavoq, qallunaaq 33-nik ukiulik parnaarunneqassasoq maannamut Nunani Avannarlerni ilisimasani kallagaatsumik atornerlullugit aktienik piginneqatigiissutinik tuniniaarsuaarsimagami.
Qallunaap 33-nik ukiullip aningaasaliissutinut tunngassutilinnik suliaqartartup stockholm-imi eqqartuunneqarluni parnaarussaasussanngortitaasup eqqartuussinermili najuutinngitsup eqqartuussisuserisuata qisuariaataa siulleq taassaavoq oqarami; Soqutaanngingaarami uppernanngilarluunniit qallunaaq angut aprilip tungaanut aningaaserivimmi aningaasalersuinermut tunngassuteqartunik Carnegie-mi suliffeqarsimavoq. Suliffimminiillu soraarami amerikamut nuttussanngorsimagaluarluni. Eqqartuussivimmit oqaatigineqarpoq qimaariataarsinnaanera aarleqqutigineqarmat pas-ianik arsaarneqarsimasoq.
Eqqartuussisuserisuata pasilliutit eqqortuunnginnerar-pai, angullu sullitani Danmark-imiittoq angalanissanilu tamaasa taamaatiinnarsimagai eqqartuussiviup aalajangiinissaa utaqqigamiuk.
Qallunaaq angut pasineqarpoq ilisimasaminik atorlunerluilluni tuniniaasarsimasutut ilimagineqar-porlu pilersaarusiortartoqatigiit; Norgemi, Sverigemi Danmarkimilu najuqartut ilisimasaminnik ikioqatigiillutik imminnullu naapikkaangamik ilisimasaminnik atornerluillutik ikioqatigiillutik oqaluttuaqatigiittartut, taamaalillutillu aningaasarpas-suarnik iluanaaruteqartarlutik tamannalu pillarneqaataasinnaavoq. Pasineqartut ilaat taamatut niueruteqarnermigut 70 mio. kr.-nik iluanaaruteqarsimassangatinneqarpoq.