Qallunaanit kingoqqisoq nobel-ip nersornaasiuttagaanik tunineqalerpoq

Nobelip aningaasanik aqutsinermut nersornaasiuttagaa Peter Diamondip aamma Dale Mortensenip, USA-meersut, aamma tuluup Cypermimeersup, Christopher Pissaridesip avittussanngorpaat.

Dale Mortensen amerikami inunngortoq professoritut Århus-ip Universititiani tamakkiisuunngikkaluartumik atorfeqarpoq. Ataataa qallunaaq Hobro-p eqqaaninngaanneerpoq, qulinilli ukioqarluni ilaquttanilu aallarsimallutik.

Tusagassiortunik Stockholmimi ullumi katersortitsinermi pisortatigoortumik tamanna saqqummiunneqarpoq.

Aningaasanik aqutsisut taakku pingasut ujarliummik paasiniaaqqissaarsimanerminni nersornaatisipput. Soorlu suliffissaqarluaraluartoq qassimmita suliffissaaleqippat, imaluunniit suliffissaaleqineq aningaasatigut qanoq sunniuttarpa - tassa "ujarliummik" tamakku ilaatigut paasineqarsinnaapput.

Suliffissarsiuussisarfiinnarmulli atorneqartariaqanngilaq, Ilisimatusarnermut ilinniarfimmiit tunngavilersuumminni allapput.

70-inik ukiulik Peter Diamond USA-mi Massachusettsimi Institute of Technologymi ilisimatuutut sulivoq.

71-inik ukiulik Dale Mortensen aamma ilisimatuujuvoq, USA-mi Northwestern Universitymi sulisuulluni, kiisalu 62-inik ukiulik Christopher Pissarides London School of Economics and Political Science-imi ilisimatuujuvoq.

Nersornaatip aningaasartarai svenskit koruunii 10 millionit koruunit - tassa danskit aningaasaat 8 millionit millionit koruunit.

Nobelip nersornaasiuttagaasa ukioq-manna kingullersaat ullumikkut tunniunneqarput.

Nersornaasiussat tamarmik ullormi Alfred Nobelip toqquiani, Oslomi tunniunneqassapput, eqqissinermut nersornaat, decembarip qulinganni, sinneri tallimat Stockholmimi.