Qallunaanik inatsisilerituunik atorfinitsitsineq mamiagineqartoq

Namminersorneq pillugu isumalioqatigiissitami siulittaasuuffimmini aperineqallannguaqqaarani qallunaanik inatsisilerituunik marlunnik kalaallit inuiattut tunngaviusumik inatsisilerinikkut inissisimanerat pillugu siunnersortissaminnik, Lars-Emil Johansen-ip, nammineq oqarnermisut tupaallaatigeqisaminik atorfinitsitsisoqarsimanera naalakkersuisut siulittaasuannut Hans Enoksen-imut sakkortuumik ima ilaatigut isornartorsiutigaa, issuaaneq aallartippoq:

- Kalaaleqatitsinnik ilinniarluarsimasunik peqaraluartoq, nunatsinnik inuinillu ilisimasaqarluartunik, oqaaseqatigisatsinnik kulturitsinnillu tunulequtaqarluartunik, taamaattoq qallunaanik inatsisilerituunik nunatsinni najugaqarsimanngitsunik kulturitsinnik eqqarsartaatsitsinnillu ilisimasaqanngitsunik uatsitullu oqaaseqanngitsunik siunnersuisissatsinnik toqqaasaqattaartuarpugut, qanorsuaruna immitsinnut nikanarsarniartugut? issuaaneq naavoq.

Tamanna pillugu Lars-Emil Johansen kalaallinik siunnersortilerneqarnissamik kissaateqarpoq, piumasanilu naammassineqanngippat isumalioqatigiissitami ilaasortaanini isumaliutigisariaqalissagini oqarluni. Isumalioqatigiissitap siulittaasua, Kalistat Lund atorfinitsitsinermut akisussaasoq oqarpoq, kalaaliuneq qallunaajunerluunniit apeqqutaatinnagu atorfinitsitsisoqarsimasoq:

- Suleriaaseq naapertorlugu atorfinitsitsisoqarpoq, Suleriaaseq naapertorlugu allaffeqarfik suliassinneqarpoq, siunnersuutaallu aallaavigalugit siulersuisoqarfik atorfinitsitsisussaavoq.

- Nassuerutigissavara piumasarisimannginnakku inuiaat sorliit atorfinitsinneqarnissaat. Pingaarnerpaatissimavara inatsisit tunngaviusutigut siunnersortissat iternga tikillugu suliaminnik ilisimasaqartuunissaat, sulianilu uani isumaga malillugu illuinnaasiortoqarneq ajorpoq kalaaliuneq qallunaajunerluunniit patsisigalugu.

Kalistat Lund aamma oqarpoq, Lars-Emil Johansen Isumalioqatigiissitami suleqataanerminit tunuarniassappat ajuusaarnartuutillugu, inuttaalu tamanna pillugu isumalioqatigiissitaq sap. ak. naanerani ataatsimiilerpat oqaloqatigissagini Kalistat Lund aamma oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat