Qallerarniannga takanna: Oqallinnermi assortuuttut takukkit

Ineqi Kielsen (S) aamma Aleqa Hammond (NQ) qineqqusaartut KNR-ikkut pingasunngormat unnukkut oqallitsinneqarmata assortuutileraluarput.

-  Qinersinerup kingorna amerlanerussuteqarpata tungujortut aappaluttulluunniit nunarput pisariaqartinneqarnani, taavaasiit oqartoqassaaq naggataatigut:”Køb en grønlænder” (Kalaallimik pisiniarta, aaqq.). 

Ineqi Kielsen (S) qineqqusaartut KNR-ikkut pingasunngormat unnukkut oqallitsinneqarmata taama oqarpoq.

Taamatullu oqarnini Aleqa Hammondimut (NQ) toqqaannartumik sammitippaa. Taassumami Folketingip Kalaallit Nunaannut tunngasunut ataatsimiititaliaani decembarimi 2016-imi siulittaasunngornermigut pisiarineqarsimasutut Ineqi Kielsenimit isornartorsiorneqarpoq.

AAMMA ATUARUK Assiliartalersugaq: Folketingimut ilaasortat nunatsinneersut suliarisartagaat

Venstrep periarfissarsineratigut Aleqa Hammond taamani siulittaasunngorpoq: Hammondip ataatsimiititaliami siulittaasunngortinneqarneratigut partii Venstre taamani ikinnerussuteqalersissinnaanngilaa. Danskit naalakkersuisui taamaalillutik patajaatsumik ingerlatsisinnaanissartik qulakkeerpaat, danskillu akileraartarnermut ministeriat Karsten Lauritzen aviisit ilaannut ima oqarpoq: 

- Kalaallimilli "pisiaqarnitsigut" tapersersuisut 91-issaat qulakkeerparput. Kalaallit Nunaannit ilaasortat aappaat Folketingip Kalaallit Nunaannut tunngasunut ataatsimiititaliaani siulittaasunngortipparput, taamaaliornikkut suliani pingaarutilinni naalakkersuisunut akerliusumik taasisannginnissaa qulakkeerlutigu. Taava neriuutigiinnassavarput allat pilerinarnerusumik neqerooruteqassanngitsut, Karsten Lauritzen, Dagbladet Holstebro Struerimut taamani taama oqarpoq.

Asuli oqalunnerusoq

Ineqi Kielsenilli qineqqusaartut pingasunngormat unnukkut oqallitsinneqarmata taama oqaaseqarnera Aleqa Hammondip "asuli oqarnertut" taavaa.

Ineqi Kielsenilu akillugu oqarpoq Siumukkormiut Socialdemokraatit qineqqusaarutaat qineqqusaarutigigaat, Siumup Mette Frederiksen (S) siumooreertumik statsministerinngortussatut tikkuareermagu, naluuillugu ministeriuninngoruni nunarput pillugu qanoq suliniuteqarniarnersoq.

- Asuli oqarnertut taarusuppara Siumuminngaanniit, Aleqa Hammond oqarpoq.

-  Qallerarniannga takanna, Ineqi Kielsen akivoq. 

AAMMA ATUARUK Kangerlussuarmi sakkutuunngorniarfeqalernissaa Siumup qinigassanngortitaata siunnersuutigigaa

- Eqqaamaqquara Aleqamut oqarluartaarnerit naammanngimmata. Aleqap sulisimanera ukiuni sisamani tullerni uparuartorsinnaavarput annertuumik aamma, Ineqi Kielsen oqarpoq.

Aleqa Hammondip Folketingimi suliai Ineqi Kielsenip naammannginnerarpai, qinigaaffimmilu qaangiuttumi timitalinnik naammassisaqarsimannginnerarlugu.

Qineqqusaartut oqallinnerannit tigulaagaq qulaani isiginnaarneqarsinnaavoq - tamakkerlugu uani aamma isiginnaarneqarsinnaavoq

Folketingimut juunip tallimaani qinersisoqassaaq.
 

Isummersuutit

#FQ2019

Aaja Chemnitz Larsen, folketingskandidat for Inuit Ataqatigiit, afgiver sin stemme til Folketingsvalget i Godthåbshallen i Nuuk. Foto: Christian Sølbeck. (Foto: Christian Klindt Sølbeck/Ritzau Scanpix)

LIVE: Aki Mathilda Høegh Dam aamma Aaja Chemnitz Larsen Folketingimut qinigaapput