Qalerallit pillugit suli aalajangiisoqanngilaq

Aalisariutaatilik Sigguk-A/S immikkuullarissumik piumasaqaatitalimmik Naalakkersuisunit 1825 tonsinik qaleralittassinneqartoq, qaleralittassiisutit tunniunneqavissanersut suli Naalakkersuisumit aalajangiiffigivinneqanngillat, maannakkorpiarlu ataatsimiissutigineqarlutik, taama Aalisarnermut Naalakkersuisup allattaa Lars Olsen oqarpoq.

Piumasaqaataasimavoq qaleralittassiissutit tamaavimmik, Aasiaat aalisakkerivianut tulaassorneqassasut. Aalisariutaatilillu Sigguk A/S-ip, pimasaqaammik naammassinnissinnaanini ullumi ullo´qeqqata tungaanut uppernarsarniartussaasimavaa. Aamma piaartumik tulaassuiffissamik Aasianni pilersitsinissamik aalisariutaatilik Sigguk A/S neriorsuisimavoq.

Ilumut qaleralittassat 1825 tonsit Sigguk A/S-mut tunniunneqassanersut, Naalakkersuisup aalajangiivinnissaa suli ataatsimiissutigineqarmat, qaleralinnut tunngasut unnugu radioavisimi itinerusumik sammineqarumaarput.