Qalerallit killilersukkat

Ippassaq naalakkersuisut ataatsimiinnerminni raajanut qaleralinnullu 2007-imut pisarineqarsinnaasut aalajangersorpaat.

Nutaatut naalakkersuisut qaleralinnut tunngatillugu Upernaviup, Uummannap Qeqertarsuullu tunuani sineriassortunut killilersuineq eqqussimavaat, Kalaallit Nunaata sineriaani killilersuisoqanngitsoq. Marsip aallaqqaataaniit Upernaviup Uummannallu eqqaani 5000 tonsit immikkut pisassiissutigineqarput Qeqertarsuup tunuani 12.500 tonsit pisassiissutigineqartut. Tassa kalaallit nunaata sineriani sinneruttumi pisarneq malillugu killilersuinertaqanngitsumik qaleralinniartoqarsinnaassaaq.

Kalaallit Nunaata kitaani 134.000-it tonsinik raajanik pisarineqarsinnaasunngortitsisoqarpoq, taakkunannga EU-mik isumaqatigiissuteqarneq naapertorlugu 4000 tonsit EU-mut pisarineqarsinnasunngortinneqarlutik.

Kalaallit nunaata kangiani pisarineqarsinnaasunngortinneqartut 12.400 tonsiupput taakkunannga 7000 tonsit EU-mut pisassiissutigineqartut.