Qalerallit akitsorput
apriilip 20-at 2005 16:24
Ilulissani Uummannamilu qalerallit akii ukioq mannamut atuuttussat isumaqatigiissutigineqartut, KNAPK nalunaarpoq.
Tassa KNAPK Royal Greenlandilu isumaqatigiissuteqarput qalerallit mikinerit 3,5 kg-miik ammut, kiilumut akiat 4 krone 87 øremiit 5 krone 10 øremut qaffanneqassasoq.
Qalerallit tunisassiassat akii qaffakkiartuaartut tamarmik 20 øremik aamma qaffaavigineqartut, KNAPK-p siulittaasua Peter Olsen nalunaarpoq.
