Qalerallerivimmik matusineq akisooq

Ilulissani qalerallerivimmik matusineq kommunip aningaasaqarniarneranut sunniuteqarnerluppoq.

Qalerallerivik ukiamut aatsaat tamakkiisumik ingerlanneqarsinnaanngussasoq Royal Greenlandimit oqaatigineqarpoq.

Sulisut angerlartiinnarneqarneri kommunemut aningaasartuutaangaatsialereersimasoq, borgmester Anthon Frederiksen oqarpoq.

Ilulissani qalerallerivimmi sulisussaaleqisarneq pissutigalugu qalerallit qerisut Qasigiannguanut assartorsinnarlugit suliffissuarmi suliarineqartalerput.

Ilulissani qalerallerivik unitsinneqarmalli tamanna kommunimut aningaasartuutaangaatsialereersimasoq, borgmester Anthon Frederiksen oqarpoq.

Ilulissat kommuneat qaammatit pingasut ingerlaneranni millionip tungaanut aningaasartuuteqareersimavoq. Ikiuisarnermut aningaasaliissutit ukiup sinneranut naammanniassammata katillugit 2,1 millioni koruuningajaat ukiup sinneranut aningaasalissutigineqartussanngortut, borgmesteri oqarpoq.

Ilulissani aalisartut fabrikkimut maannamut tunisisinnaapput

qaleralleriviullu ukiamut ammaqqinneqarnissaa siunniunneqarsimammat tamanna nuannaarutigineqartoq Anthon Frederiksenip ilanngullugu oqaatigaa.