Qalerallerivik pillugu saqqummersitsineq
Saqqummersitsineq Qasigiannguani Katsersuugaasivik suleqatigalugu aallartinneqarpoq.
Fabrikkemi sulisut suliffeqarfiup immikkoortortaqarfiini assigiinngitsuni sulisuupput, taakkkualu saqqummersitsinissamut piareersarnerminni unammillligassaqarsimapput, tassami ulluinnarni suliffigisartik, saqqummersitassanngorlugu piareersarpaat aamma assilissanik taakkualu oqaasertassaannik allattussaagamik.
Sulisut soqutiginnilluarlutik pimoorussilluarlutillu suliassartik suliaraat.
Taamaalillutik qalerallerisut ulluinnarni suliatik allatut isigilugillusooq pivaat, fabrikkimi tunisassiornermi pisortaq Inge Marie Rosing oqarpoq.
Qalerallerisut saqqummersitsinissamut atatillugu naliliisinneqaramik, saqqummersitassartik nuannarisimavaat pissanganartillugu, pissarsinaralugu eqqarsarnalersitsinaralugulu.
Saqqummersitsineq ippassaq ammarneqarpoq, sisamanngorneq ilanngullugu ualikkut saqqummersitanik takuniaasoqarsinnaavoq.
Qasigiannguit Katersugaasiviata saqqummersinneqartut toqqorniarpai, illoqarfik 2034-mi nalliuttorsiorpat saqqummersinneqaqqissallutik. Qasigiannguit niuertoqarfittut ukioq taanna tunngavilerneqarnerminut atatillugu ukiut 300-nngortorsiussavaat, katersugaasiviup pisortaa Anne Mette Olsvig oqaluttuarpoq.
