Qaleralittassiisoqaqqippoq

Upernaviup Uummannallu eqqaani qaleralinniat ataasinngorpamit aalisaqqissinnaanngorput.
Allattoq Elisa Isaksen
oktobarip 23-at 2009 13:36

Tassami Naalakkersuisut Upernaviup Uummannallu eqqaanni qaleralittassat sumiiffinni taakkunani 500 tonsinik amerleqqammerpaat.

Pisasseeqqinnermut atatillugu qassutinik annaasanik saliinerup ingerlatiinnarneqarnissaa piumasaqaataavoq.

Tamatuma saniatigut qassutinik annaasanik saliinerup ukiut tamaasa pisarnissaa aamma piumasaqaataasoq, Naalakkersuisunit ilisimatitsissutigineqarpoq.

Qaleralinniarneq nungusaataanngitsumik ingerlanneqartariaqarpoq. Taamaattumik aalisartut paasisariaqarpaat, ukiumoortumik pisassiissutit ukiup naanissaanut pisassiissutaammata, Naalakkersuisut erseqqissarpaat.