Umiatsiaaraq nutaaq - qaleralinniutigissallugu naleqquttoq – umiatsiaararsortunit, nunatsinni qanittukkut pisiarineqarsinnaalissaaq. Umiatsiaaraq Qaqortumi misilerarneqaqqaassasoq Pilersuisup pisortaanera Gerhardt Petersen oqarpoq:
- Upernaamut qaleraleqarfiit ammarpata taavunga ingerlanneqassaaq taavanilu misiligarneqassalluni. Gerhardt Petersen nassuiaavoq.
Umiatsiaaraq 19 fodsi Aalborgimi qanittukkut takutinneqaqqaarsimavoq soqutigineqarluarsimallunilu.
- Umiatsiaaqqamut atareersumik motooreqarnera solaaritorneralu soqutiginaatigigamiuk. Gerhardt Petersen oqarpoq.
Aalisartut ukiorpassuarni umiatsiaaqqamik taamaattumik sanasoqarnissaanik kissaateqartarsimapput, umiatsiaaqqanulli allanut aquuteralalersortakkanut orsussamillu atuininarnerusunut, soorlu Nuummit-ikkunnut akisujaanut, unammillersinnaasumik nioqquteqalernissaq Pilersuisup ilaatigut ujartorsimavaa.
- Taamaattumik una pikkullugu misilerarneqartussanngorpoq, Pilersuisup pisortaanera erseqqissaavoq.