Ilulissani qaleralinnik tunisassiunnginneq aasarmanna iluatsiffiulluartoq, Royal Greenlandip pisortaa Henrik Leth oqarpoq.
Aasarmanna aatsaavissuaq tunisinermik unitsitsisoqarnani ataavartumik ullut tamakkiallugit aalisartut qaleralinnik Royal Greenlandimut tuninisinnaasimapput. Royal Greenlandili raajaannarnik tunisassiuinnaraluartoq ullut tamarluinnaasa suliartunngitsoortoqartarpoq.
- Ukiunili arlalinni aatsaavissuaq raajanik tunisassiorneq kinguaattuunngitsoorpoq, akerlianilli uani sapaatip-akunnerani ulloq ataaseq raajanik tunisassiunngiffittut atorneqarsinnaassalluni. Henrik Leth nassuiaavoq.
Aasianni raajanik aamma tunisassiortoqassanngilaq ulluni marlunni pingasuniluunniit. Taamatullu tunisassiornernik unitsitsigallarnerit ingerlalluarnermut takutitsiinnartut, sulilluartoqarsimasorlu pisortaq oqarpoq.
- Taamatut iluattitsiuffiulluartumik raajalerisoqarneq anguneqarpoq avataanit ikiortissanik tikisitsisoqanngikkaluarluni, Royal Greenlandimi pisortaq Henrik Leth erseqqiissaavoq.