Qaleralinnik avammut niuerneq aallartiaarpoq
Qaleralinnik avammut niuerneq, umiarsuit Uummannamut pingasunngormat tikinneratigut aallartiaarpoq.
Qaleralinnik avammut niuerneq, umiarsuit Uummannamut pingasunngormat tikinneratigut aallartiaarpoq. Umiarsuit marluk Irena Arctica Pajuttaallu usit 500 kubimeterit, containerillu 75-t nassataraat. Qalerallit containerini qerititat 55-t avammut tunisassat nassarneqarsimasut, Royal Arctic Linep nalunaarutigaa.
Umiarsuit ippassaq tallimanngornermi aallaramik, palitsit 1200 usigaat. Taamaalilluni qaleralinnik avammut nioqquteqarneq aallartiaarneruvoq. Royal Greenlandip, KNI-p Royal Arctic Linenillu suleqatigiilluarnerisigut, tamanna pisinnaasimasoq, Royal Arctic Linep tusagassiutinut nalunaarutigaa.