Qaleralinniarneq siuariartorfiunngilaq
Taamaatumik aappaagumut 2014-mut qaleralittassiissutigineqartussat allannguuteqannginnissaat biologit Namminersorlutik Oqartussanut siunnersuinerminni innersuussutigaat.
Tamatuma kingunerisaavaa Qeqertarsuup tunuani sinerissap qanittuani qaleralittassat annerpaamik 8.000 tons-iussapput.
Uummannap sineriaata qanittuani 6.000 tonsit Upernaviullu sineriaata qanittuani 6.300 tonsit qaleralittaassiissutigineqarnissaat uumassusilerisunit innersuussutigineqarput.
Davis Stræde-mi qaleralittassiissutit allannguuteqaratik 14.000 tons-iuissaat innersuussutigineqarpoq.
Baffin Bugtip avataani 2014-imi qaleralittassiissutigineqarnissamut innersuussut 3.000 tonsinik qaffanneqarput.
Taamaalillutik qaleralittassiissutigineqartussatut innersuussitigineqaartut 13.000 tonsiniit 16.000 tonsinut qaffanneqarluitk. Tamatumunnga peqqutaavoq taavani qaleraleqarnerulersimanera aammalu kalinnermi ataatsimi qaleralittarineqartartut, tassa biologit misissuisarnerini aammalu aalisarnermi pisaasartut, amerlatsikkiartormata.
Nunatta kitaata imartaani aalisakkanut allanut tunngatillugu 2014-imut siunnersuinerit allannguuteqanngillat,
Taamaakkaluartoq ukiuni tulliuttuni aalisarneqartariaqanngikkaluartut uumassusilerisunit taanneqarput tassalu oquuttat, qeeqqat, tupissutit, kapisillit suluppaakkallu natersiortut pineqarlutik, Pinngortitaleriffimit tusagassiuutinut nalunaarummi taamma allapput.
Aalisakkat aalisarnerlu pitillugit oqaluttuarisinnaavarput aqutsiveqarfimmi Sisimiuni sinerissap qanittuani saattuarniarneq ullumikkut arfininngornermi 6. juli unitsinneqarmat tassa sinerissap qanittuani saattuarniarnermi pisassat 300 tonsit tamakkerneqarmata. Saattussanik tunisineq aamma ullumikkut unitsinneqassaaq.
