Aqutsiveqarfimmi Qeqertarsuup Tunuani aalisarneq ammaqqinneqassaaq ulloq 1. december 2019. Aqutsiveqarfik Uummannami aalisarneq ukiup sinnera matoqqassaaq.

Qaleralinniarneq matuneqartoq

Qaleralittassiissutit qaffaneqaraluartut, Qeqertarsuup tunuani Uummannamilu qaleralinniarnerit matuneqaqqipput.

Uummannami Qeqertarsuullu tunuani umiatsiaararsorlutik qaleralinniartartut qaleralittassaat nungunneqalermata aqagu matuneqassapput. 

AAMMA ATUARUK Naalakkersuisut qaleralittassiisutit amerlivaat

Qaleralitassat naalakkersuisunit septemberip qaammataani 2400 tonsinik ilaneqarput, taakkunannga 1373 tonsit umiatsiaararsorlutik qaleralinnianut pisassiissutaallutik.

Taamaalillutik qeqertarsuup tunuani qaleralittassiissutit katillutik 10.580 tonsinngorlutik.

Biologit innersuussutaat 5.120 tonsiullutik.

Maanna Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq, aqutsiveqarfinni Uummannami aamma Qeqertarsuup Tunuani sinerissap qanittuani umiatsiaararsortunut qaleralittassiissutit nungunneqalermata aalisarneq tallimanngornermi novemberip ulluisa arfineq pingajuanni matuneqassasoq.

AAMMA ATUARUK Aqutsiveqarfiit amerlanerit atulersinniarneqarput

Aqutsiveqarfinni Uummannami aamma Qeqertarsuup Tunuani akuersissutit 47-JK-mik naaneqartut matuneqassapput.

Tallimanngornermi novemberip ulluisa arfineq pingajuanni unnuap qeqqanut tunitsiviussaaq ulloq kingulleq ullorlu taanna aalisaatit tamarmik qaqinneqariissapput.

Aqutsiveqarfimmi Qeqertarsuup Tunuani aalisarneq ammaqqinneqassaaq ulloq 1. december 2019.

Aqutsiveqarfik Uummannami aalisarneq ukiup sinnera matoqqassasoq, Namminersorlutik Oqartussat taama nalunaarput.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat