Qalasersuarmut ilisimasassarsioriat ajutuullattaapput

Danskit svenskillu issittumut ilisimasassarsiornerat, nunatta immap naqqani nunavimmut atasortaata killinganik paasissutissiisussaq, ajutoornernit arlalinnit nalaanneqallattaasimavoq.

Allattoq Jaaku Lyberth

septembarip 04-at 2007 06:16

Sikunik aserorterutip ‘Oden’-ip immap naqqanik sajuppillatsitsisarluni misissuinermi atortuni katassimavai taamalu sikusiutip ingerlaffissaa naannerulersinneqarluni. Russit sikunik aserorterutaat atomitortoq ’50 let Pobedy’ Odenimut ikiuuttussaq sikut eqimavallaarnerat pissutigalugu sarpimminik ajornartorsiuteqarsimavoq.

Oden Tunup avannaatigoorluni maanna avannamut ingerlaarpoq. Qalasersuup nunattalu akunneranut angalaneq septembarip qiteqqunnerani naammassisussatut naatsorsuutigineqarpoq.

Ilisimasassarsiorluni angalanermi paasisat danskit immap naqqanik piginnittuunerminnik uppernarsaatitut atorniarpaat – ilaatigut Qalasersuarmut atatillugu.

Angalanermi nittartakkami www.a76.dk-mi oqaluttuarineqaraluarpoq, ilisimatusartut ullut unnuallu marluk ingerlaneranni immap naqqanik sajuppillatsitsisarlutik immap naqqa 130 kilometerinik isorartussusilik siornatigut misissuiffigineqarsimanngitsoq misissuiffigisimagaat.

Qalasersuarmut ilisimasassarsioriat ajutuullattaapput

Aamma atuaruk