Qalasersuarmik piginnittussaanermik piumasaqaat danskit partiivisa akornanni isumaqatigiissutaavoq
Qalasersuarmik piginnittussaanermik piumasaqaat qallunaat partiivisa akornanni isumaqatigiissutaavoq.
Qalasersuarmik piginnittuunermut piumasaqaat ilisimatuussutsikkut paasisat tunngavigalugit allanneqarsimammat, naalagaaffiillu issittumiittut akornanni aqqutissaq isumaqatigiissutigineqarmat, siunissami Issittup avannaarpiarsuata agguarneqarneranik kinguneqartussaq partiinit isumaqatigiissutaavoq.
AAMMA ATUARUK Issittup imartaanik piginnittuulernissamik Danmark piumasaqaateqartoq
Naatsorsuutigineqarpoq qanoq killeqarfilersuisoqassanersoq politikkikkut isumaqatigiinniarnikkutt aatsaat ukiut qulit qaangiuppata piumaartoq, tassa nunat assigiinngitsut piumasaqaataat ataatsimiittartoqatigiinnit suliarineqalerpat.
Enhedslistenimi ilaasortat isumaqarput, Danmarkip Nunattalu maannangaaq nalunaarutigisariaqaraat, Naalagaaffeqatigiit piumasaqaatitik sumut atorniarnerlugit. Soorlu Issittup imartaani malittarisassat suut tunngavigineqassanersut aamma aatsitassarsiortoqassappat, umiarsuarnik angallannermi isumannaallisaanerit allallu ilanngullugit nalunaarutigineqassasut, Enhedslistenimit piumasarineqarluni.