Qalasersuarmi siallerpoq
Qalasersuarmi sapaatip akunnerani kingullermi siallerpoq, taamatut pisoqarnera qaqugoorluinnartuusoq silasiortut oqaatigaat.
Allattoq Louise M. Kleemann
maajip 03-at 2010 07:41
- Silap nikerarnera eqqoriaruminaassinnaasartoq naluneqanngilaq, kisianni taamatut pisoqarnera ima qaqutigoortigaaq allaat aalisakkat qilammit nakkaanerannut imaluunniit kuussuup Niagara Fallsip imaarunneranut asseruunneqarsinnaalluni, silap pissusaanik ilisimasalik David Philips Environment Canadameersoq CBC Newsimut taama oqarpoq.
Qaalasersuarmi ukiuni kingullerni 50-ini 60-ini silap pissusaanik nalunaarsuinermi apriilimi siallertoqarnera aatsaat perngaammik nalunaarsorneqarpoq.
- Qaalasersuarmi siallernerit siusinnersaat maajip 21-ni 1988-imi pivoq, taamaattumik apriilip naalernerani siallernera eqqumiilluinnartuuvoq, David Philips oqarpoq.
