Qalasersuarmi imaq nunatta avataaniittoq misissuiffigineqalerpoq
Qalasersuarmi imaq Kalaallit Nunaata avataaniittoq misissuiffigineqarlunilu uppernarsaatissarsiffiusariaqarpoq, naalagaaffeqatigiinnerup pigigaa uppernarsarneqassappat. Taamaanngippammi taavani immami uumasut, atortussiassat minnerunngitsumillu uulia gassilu naalagaaffeqatigiinnerup oqartussaaffigiunnaassavai.
- Kalaallit Nunaat qangali piginnaatitaaffeqarpoq, sineriammiit avammut 200 sømili tikillugu immami piginnaatitaaffeqarnissaminut.
Kisianni FN-p imaq pillugu inatsisaani artikel 76-imi allassimasoqarpoq avammut 200 sømili qaangeraanni allamiut qanoq iliornissaminnut piginnaatitaaffeqalersinnaanerat periarfissaasoq, isumagalu malillugu Kalaallit Nunaannut pingaaruteqartoq unaavoq: Kalaallit Nunaanni aalisarneq inuussutissarsiutit pingaarnersarimmassuk avatangiisillu issittuniittut mianernarsisimallutik, allamiunit tamanna atorluarneqalersinnaasoq, naalagaaffimmiit aqunneqanngikkuni, taama oqarpoq Civilingenøri geofysikkerilu Jørgen Taagholt .
Taanna nangilluni nassuiaavoq, ukiut qulit qaangiuppata FN-imi imaq pillugu inatsisitigut nutarsaasoqaraluarpat, piumasaqaatigineqarlunilu uppernarsarneqartuuppat Kalaallit Nunaata sineriaaniit 200 sømili qaangerlugu imaq Kalaallit Nunaannut attuumassuteqarluinnartuusoq, taava iliuuseqarfigineqarsinnaasoq.
- Kisianni taamaattoqassappat pingaaruteqarluinnarpoq misissuinerpassuit pisariaqassasut, tamakku uppernarsaatitut atorsinnaaniassammata. Imaq 200 sømili qaangerlugu isorartutigisumiittoq naalagaaffeqatigiinnermut pigitinneqanngeriataassagaluarpat. Taavalu assersuutigalugu Ruslandip oqartussaaffiginiarsarilerpagu, taava inunnit piginiarsarineqalersinnaavoq, Kalaallit Nunaata Danmarkillu naalagaaffeqatigiinnerannit suneqarsinnaanani.
Taamaattumik pingaaruteqarpoq, periarfissatuaasup taassuma atorluarniarsarinissaa, tassami ukiut taakku qulit ingerlaneranni taamaallaat inatsisit nutarsarniarsarinissaat periarfissaavoq imartap tamatuma nammineq oqartussaaffigilerniarsarinissaanut, taama oqarpoq Civilingenøri geofysikerilu Jørgen Taagholt.
Aningaasat 150 mio. koruunit misissuinissamut atorneqartussat aningaasaqarnermi inatsimmi immikkoortinneqarput.
