Nunanit assigiinngitsunit 20-nit amerlanerusunit, ilaatigut Danmarkimit, ilisimatuut 100-nik arlaqartut ilisimatusarput. Taakku umiarsuarmi sikusiummi "Polarstern"-imi ilaallutik Qalasersuarmi angalanerminni nunarsuup kiatsikkiartornerata sunniutai pillugit paasissutissanik katersipput.Assi: National Snow and Ice Data Center/flickr

Qalasersuarmi ilisimatusartut angerlartut: Sikorsuaq aakkiartortoq timitarsivarput

Umiarsuaq sikusiut qaammaterpassuarmi Qalersersuarmeereerluni Tysklandip avannarpasissuani illoqarfimmut umiarsualiveqarfissuarmut tikippoq.

Nunanit assigiinngitsunit ilisimatuut Qalasersuarmut aatsaat taama sukumiitigisumik akisutigisumillu ilisimatusarlutik angalereerlutik tyskit illoqarfiannut Bremerhavenimut ataasinngormat tikipput. Ilisimatuut Qalasersuarmi sikorsuaq aakkiartortoq uppernarsarlugulu, Qalasersuaq ukiut qulikkuutaat tulliuttut qaangiuppata aasakkut sikuersimasarumaartoq aarlerisaarutigaat.

Umiarsuaq sikusiut "Polarstern" Qalasersuarmi ulluni 389-ini angalareerluni Tysklandimi illoqarfimmut Bremerhavenimut ataasinngornermi tikipppoq.

Ilisimatusarluni angalaneq 140 millionit euronik akeqarpoq, taakku danskit koruuninngorlugit 1 milliardit koruuninit amerlanerupput.

Nunanit assigiinngitsunit 20-nit amerlanerusunit, ilaatigut Danmarkimit, ilisimatuut 100-nik arlaqartut ilisimatusarput.

Taakku umiarsuarmi sikusiummi "Polarstern"-imi ilaallutik Qalasersuarmi angalanerminni nunarsuup kiatsikkiartornerata sunniutai pillugit paasissutissanik katersipput.

AAMMA ATUARUK Tyskit Fridtjof Nansenip aqqutigisimasaa aqqutigileraat

Issittup kiatsikkiartornera timitarsisimagitsik, ilisimatusarnermi aqutsisoq Markus Rex nassuiaavoq.

Taassuma Qalasersuaq silap pissusiata allanngoriartorneranut qitiusutut taavaa.

- Qalasersuarmi sikorsuup aakkiartorneranut isiginnittuuvugut, Markus Rex oqarpoq.

- Tamanna igalaakkut sikumiluunniit qajannarsisimasumi pisunnikkut malinnaavigaarput, Markus Rex oqarpoq.

Qalasersuarmi ukiup ataatsip ingerlanerani uuttuinerit assigiinngitsut 100-nit amerlanerupput. Paasissutissallu katersat Issittup pissusianik silallu pissusianik annerusumik ilisimasaqarnerulernissamut iluaqutaassasut ilisimatuut neriuutigaat, taanna oqarpoq.

Polarstern Norgemi Tromsømit 2019-imi septembarip ulluisa 19-ianni aallarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat