Qalasersuarmi aasakkut sikuiuitsoq 2013-imiit sikuertalissangatippaa

Qalasersuaq ilimagisamit sukkanerusumik kiatsikkiartorpoq, maannalu ilisimatuup Canadaminngaaneersup naatsorsuutigilerpaa sikuiuitsoq avannarleq ukioq 2013-ip aasaanerani sikuiuitsoq aasaq taanna sukuissasoq. Silap kissatsikkiartornera pissutigalugu Issittumi sikuiutitsup ukioq 2100-mi sikuertalernissaa ukiut tallimat matuma siorna eqqoriarneqaraluarpoq.
Allattoq Jaaku Lyberth
marsip 06-at 2009 07:13

Paasisimannilluartulli decembarip qaammataani oqarput ukiut qulit 20-lluunniit qaangiuppata tamanna pissasoq ilimagileritsik.

Canadamili Quebecimi universitetimi Lavalimi pisortaq, Warwick Vincent, maanna oqarpoq, Qalasersuarmi 2013-imi aasaq siulleq sikoqannginnera misigineqarumaartoq. - Ukiut tamaasa kukkusarsimavugut, taamalu pisoqaraangat paasisarparput silap kiatsikkiartornera takorluukkatsinniit sukkanerusoq, Warwick Vincent nutaarsiassaqartitsivimmut Reutersimut oqarpoq. Laval Universitetimi Quebecimiittumi ilisimatuut Canada-p avannaarpiarsuani qeqertami Ward Hunt Island-imi ukiuni kingullerni sulipput, qeqertaq taanna Kalaallit Nunaata qanittuani inississimavoq.

Qeqertami tassani aasaq kingulleq 20-t tikillugit kiappoq, naak nalinginnaasumik tallimaannarnik kiattaraluarluni. Sikulu aasaq taanna 23 procentimik annikillisimalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq