Qalasersuaq siullermeerluni silaannakkut takornariarneqartoq

Qalasersuaq avannarleq perngaammik timmisartumut ilaalluni takornariarfigineqaqqammerpoq. Tyskit angalatitsiviata Deutsche Polarflug-ip Europamit takornariartitai 285-it nunanit 13-ineersut nalunaaquttap akunneri 13-it atorlugit angalasimasut nittartagaq Boarding.no allappoq.

Timmisartorineqarpoq Airbus 330-200, Air Greenlandip timmisartuata Norsaq-p assinga.

Qalasersuarmut takornariat Europamiuginnaasimanngillat, ilaalli USA-mit Canadamillu aggersuusimapput.

Angalanerat allaaqqissuup ataani pisimavoq, issittullu nunaa timmisartup iluani isiginnaarutitigut qimerluualaarsinnaasimavaat, timmisartup naqqani assiliissutit arfineq-marluusut nassiussugaasigut.

Timmisartup Qalasersuaq nalleramiuk kaaviiaaqqaarlugu Europamut uterluni saassimavoq. Qalasersuup takunerata saniatigut, timmisartumi issimasut Tunu Islandilu qulaatsillugit takusinnaasimavaat.

Tyskit angalatitsiviat taamatut angalatitseqqissaaq septembarip aallaaqqaataani, bilitsilllu akii akikinnermut 4.130 koruuniusimapput, akisunermut 18.600 koruuneqarsimallutik.