Qalasersualerngusaassinnaaneq amerikamiut aarleqqutigaat
USA-p Georgiamik tapersersuilluni nalunaarnerata kingorna russit iliuusaasa tamaanna ilagiinnarpaat.
Georgiami aaqqiagiingittorallartillugu, qalasersuup eqqaani aatsitassalissuarmi aaqqiagiinngittoqalersinnaanera, Amerikamiut sinerissami nakkutilliisuisa aarleqqutigaat. Qalasersuup eqqaani naalagaaffiit tallimat, tassa USA, Rusland, Norge, Canada, kiisalu Danmark nunarput ilanngullugu, killeqarfilerngusaapput.
Nunat taakku tallimat Ilulissani maajimi isumaqatigiissuteqarput, Qalasersuup eqqani imartalerngusaannermi akerleriinneq pinnagu suleqatigiissallutik. Aamma isumaqatigiipput, killeqarfissat nunani tamalaani isumaqatigiissutit naapertorlugit aalajangersarneqassasut.