Qajartullammannik toqqaasoqarpoq

Nunatsinni qaannamik pissartanngorniunnerit Ilulissani ingerlanneqartut ippassaq unnukkut naggaserlugit arnamik angummillu qajartullammannik toqqaasoqarpoq.

Arnani ukioq manna qajartullammattut toqqarneqarpoq: Marie Kristine Janussen, Paamiuneersoq. Angunilu ukioq manna qajartullammattut toqqarneqartoq tassaavoq: Elias Inuusuttoq, Sisimiuneersoq. Taakku tamarmik pokaalinik ingerlaartunik pipput.

Qajartullammattut toqqarneqartut pointit katinneranni qaffasinnerpaamik pointillit toqqarneqarput. Inersimasut akornanni qajartullammannik taamaallaat toqqaasoqartarpoq.

Qajartullammannik toqqaanerit saniatigut pokaalinik ingerlaartunik illoqarfikkaartumik agguaasoqartarpoq, pokaalillu ingerlaartut tamarmik Iluliarmiunit pissarsiarineqarput, meeqqani inersimasunilu.

Qaannamik pissartanngorniunnerit sapaatip-akunnerani uani ingerlanneqartut iluatsilluarsimasut, aaqqissuisut sinnerlugit Ilulissani qaannat peqatigiiffianni siulittaasoq Abel Jakobsen oqarpoq.

Tulliani pissartanngorniunnerit ingerlanneqassapput: Qaqortumi.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat