Qajarissamik qajartuarlutik Australiamit New Zealandimut ikaarput

Angutit inuusuttut marluk qajarissamik angallateqarlutik Australiamiit New Zealandimut siullersaallutik ippassaq ikaarput.

25-nik ukiulik James Catrission aamma 24-nik ukiulik Justin Jones ullut 62-it atorlugit Tasmaniap imartaatigut qajartorput. Qajarissamik ingerlaarnissartik 2.200 kilometerinik isorartutiginissaa naatsorsuutigisimagaluarpaat. Angalanerat pilersaarutaasumit sapaatip akunnerinik marlunnik sivisuneruvoq, naatsorsuutigisaanniillu 1.000 kilometerinik isorartunerulluni. Tamatumunnga ingerlaarneranni anori sarfarlu pissutaapput.

Ingerlaarnerminni qajarissani sinittarput, tassa qajarissat siniffigineqarsinnaasunngorlugit immikkut sananeqarsimagamik.

Qajartortut New Zealandimi illoqarfimmut New Plymouthimut ippassaq sapaammi tikilermata qajartornermik nuannarisalinnit tuusintilinnit naapigiarneqarlutik tikilluaqquneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat