Qajaq biilitulli sukkatigisoq

oktobarip 26-at 2006 16:34

Tuluup paariallammassuup, Shaun Baker-ip, qaanni sukkanerulersinniarlugu motoorilersimagaa, nutaarsiassaqartitsivik BBC tusarliussivoq.

Shaun Bakerip qaanni ukiut pingajuat affaq motoorilersorsimavaa. Qajaq motoorilik navianarluinnartoq nalunaaquttap akunneranut 80 kilometerinik sukkassuseqarluni ingerlasinnaavoq.

Biilit pillugit tuluit tv-qarfiata aallakaatitsisarfiani unammisoqarmat, qajaq motoorilik biililu sukkaniut unammimmata qajaq ajugaavoq.

- Qaannap motooria sikuminermik immertooraangat motoori unittarpoq, kiviartulersarpungalu, qaannamik motoorileeqqaartoq oqaluttuarpoq.