Qajaq aamma umiaq 20 koruunimi nutaami
Aningaaasaq eqqumiitsuliortumit Niles Motzfeldtimit ilusilersorneqarpoq. Niels Motzfeldtip siusinnerusuut aningaasat marluk Nationalbankimit suliakkiissutigineqartut ilusilersornikuuai.
Aningaasat siusinnerusukkut umiarsuarnik assitalersorneqartartut arlaqarput, maannakkullu qajaq aamma umiaq assitaliunneqarput.
- Nationalbankimiit nassuerutigissuarput Kalaallit Nunaannut ungasittorujussuummat, Nationalbankip pisortaa Torben Nielsen oqarpoq.
Taama oqarnermimut pissutigaa Niels Motzfeldtip gipsimik ilusilersugaa Danmarkimut nassiunneqarnerani aserorsimammat.
Qujanartumilli Den Kongelig Møntimi sulisuusup ulloq ataaseq atorlugu nakuniarnartumik suliaraa naammassillugu.
Taamaattoqarnera sioqqullugu Niels Motzfeldt ilisimatinneqarpoq nutaamik sanasariaqassasoq. Nationalbankimiilli suliap aappaa naammagineqanngilaq, taamaattumillu ilusilersukkap aserorsimasup aaqqissuunnera iluatsimmat toqqissiallaatigineqarpoq.
Aningaasaq 800.000-inngorlugu suliarineqartoq, 16 millioner kruuninik naleqarpoq. Ataasinngorpat Danmarkimi aamma Kalaallit Nunaanni atorneqarsinnaalissaaq.
