Qaatsiartaat naagga

Uummannap nunaqarfiinut ukiuni aggersuni qaatsiartaat assartuisinneqassagunanngilaq.

Suleqatigiissitaliortoqarpoq taakkulu piaarnerpaaq atorlugu kingumut Royal Arctic Line qanoq ilillugu nioqqutissanik KNI-miit nunaqarfinnut assartuisissanerlugu aaqqiiviginiartussaavaat. Nioqqutissanik pajuttortarneq KNI-p ataani Assartuivimmit ingerlanneqaraluarpoq.

Naak suleqatigiissitat qanoq annaasseriarumaarnissaminnut pilersaarusiorsimagaluartut qaatsiartaat pillugu iluatsittumik angusaqarumaassanersut suli nalunarluinnarunartoq oqaatigineqarpoq.

Royal Arctic Line-mi allaffissornikkut pisortaasup Jens Andersenip qaatsiartaammik piginnittuulerumaarnissartik takorlooruminaatsippaa.

- Siullertut suleqatigiissitat paasiniaqqaartussaavaat, Assartuivik kiisalu nunaqarfinnut immakkut angallassineq sutigut qanorlu iliornikkut akisussaaffigilersinnaanerigut. Suleqatigiissitaliat qaatsiartaat siunniussimappassuk taava suliassaq misissuiffigilissavarput, kisianni qaatsiartaatip atornissaa ilimaginngilara, Jens Andersen oqarpoq.