Qaasuitsup Kommuniata piniartut poliitinut tunniunnianngilai
Nal. 09.37 nutartigaq
Tikaagullittassat kommunimit pisassiissutigineqarnerat sioqqullugu Uummannami piniartut sisamanik tikaagullinnik pisaqarput. Aamma Saqqap eqqaani ataaseq pisarineqarpoq.
Qaasuitsup kommuniani Pisuussutit Uumassusillit pillugit Ataatsimiititaliap
ajuusaarnartutut isigaa tikaagullittassat tamakkerlugit pisarineqareersimammata, unioqqutitsisoqarneralu Namminersorlutik Oqartussat politiinut nalunaarutiginninnissaanut aalajangiissussanngortillugit.
Unioqqutitsineq politiinut suliassanngortissallugu kommunip akisussaaffia inatsimmi atuuttumi erseqqarluppallaartoq, Pisuussutit Uumassusillit pillugit Ataatsimiititaliap siulittaasua Jens Danielsen isumaqarpoq, taamaattumik ataatsimiititaliaq isumaqatigiilluni innersuussivoq politiinut suliassanngortitsineq Namminersorlutik Oqartussat siulliuffigisariaqaraat isumaqarunik tamanna pisariaqartoq.