Qaasuitsup Kommuniata innermik ikitsineq pujortarnerlu inerteqqutigilerai

Qaasuitsup Kommuniata kommunimi illoqarfiit nunaqarfiillu avataanni innermik ikitsinerit pujortarnerillu ullumi ataasinngornermiit inerteqqutaatilerpaat.

Kommunimi sumiiffinni arlaqartuni nuna paningaatsiarmat innaallanninnguaq ikuallatsitsilersinnaammat taama inerteqqusiisoqartoq, kommunimi qatserisartut pisortaat, Bjarne Gregersen taama paasissutissiivoq.

Nassuttuumi nuna sapaatini akunnerni marlunni ikuallangaatsiarpoq tamatumanilu qatserisartut oqartussallu allat ulapputingaatsiarput. Inerteqqummik unioqqutitsineq kingunerlungaatsiarsinnaasoq, Bjarne Gregersenip oqaatigaa.

- Inerteqqummik unioqqutitsineq politiinut unnerluutigineqassaaq, nunamilu ikuallannermik qatserisartut sulinerannut aningaasartuutit akiligassiissutigineqarsinnaapput, qatserisartut pisortaat oqarpoq.

Angallassinermillu aaqqissuussisartut, akunnittarfiit assigisaallu takornarianut inerteqquteqarnermik paasissutissiinissaat kaammattuutigalugu.

Inerteqqut atuukkallassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat