Qaasuitsup Kommuniani utoqqalinersiallit pitsanngorsaavigineqassapput
Kommunimi borgemesterinngortussaq Jess Svane ima oqarpoq:
– Akiligassat peereerlugit utoqqaap kisermaap tigusartagai ullumikkut 2.400 koruuniupput, taakkuli ukiortaamiit 4.000 koruuninut qaffanneqassapput, Jess Svane oqarpoq nangipporlu:
- Tassa imaappoq Qaasuitsup kommuneani utoqqalinersialik kisermaaq 4.000 koruunit inorlugit akissarsisimaguni kommunimukartalissaaq akissarsiani iluarsitikkiartorlugit.
Utoqqalinersiallit aappariit akiligassat peereerlugit ukiortaamiit tigusalissavaat 6.000 koruunit.
Qaasuitsup kommunia pilersinneqarpat utoqqarnut qaammarsaaneq aamma nukittorsarneqassaaq. utoqqarnik siunnersuineq Inunnik Isumaginnittoqarfiup ukiortaami suliassaanut pingaarnernut ilaalissaaq.