Qaasuitsup Kommunia pissarsinerunissamik neriussimagaluarpoq

Naalakkersuisut aalajangiinerisigut kommuunip karsia 2015 34 million koruuninik uninngasuuteqarnerulissaaq, naak Qaasuitsup Kommunia aningaasanik amerlanernik pissarsinissaminut neriuuteqarsimagaluartoq.
 
- Tassa taanna Naalakkersuisut aalajangernerivaat 2015-imut tunngatillugu. Tassa allanngortissinnaannginnguatsiarpoq. Tassalu taanna pinngitsoornagu tusaatissatut tigusariaqassavarput, Ole Dorph oqarpoq nangillunilu:

AAMMA ATUARUK Asii Chemnitz Narup: Isumaqatiginninniartoqartuusaarsimavoq

- Tassa naatsorsuutigisimagaluarparput annertunerusumik, ataatsimiittarnerit uku kingulliit eqqarsaatigalugit, Qaasuitsup Kommunia pissarsitinneqarsinnaanissaa. Kisianni tassa Naalakkersuisut taamatut aalajangerput, taamaattumik aalangernerup suna aallaavigisimagaa piffissami tulliuttumi misissortussaassuarput.

AAMMA ATUARUK Kujallermi borgmesterip aaqqiissutaagallartoq iluarivallaanngilaa

Kisianni Qaasuitsup Kommunia neriuutigineqartutut aningaasanik amerlanernik pissarsinngikkaluartoq, aningaasat 34 million koruunit kommuunip karsianut iluaqutaassapput:
 
- Aappaagumut 2015-imut tunngatillugu missingersuusiorneq massakkut suliaralugu allaffissornikkut ingerlanneqaleruttorpoq. Massakkut 34 million koruunit aappaagu kommuunip karsianut isertussat missingersuusiornissamut tunngatillugu soorunalimi iluaqutaassapput, Ole Dorph oqarpoq.

AAMMA ATUARUK Naligiissaarinissaq inerneqarpoq: Sermersuup 54 mio. koruunit pilliutigissavai