Qaasuitsup Kommunia pisortamik nutaamik atorfinitsitsivoq

Sivso Dorphip, Ilinniartitsisut Meeqqat Atuarfianneersut Kattuffianni, IMAK-imi, siuliittaasutut, ilinniartitsisutut, tatigisaallunilu siulersuisuni assigiinngitsuni suliaqarnermigut misilittagaqarluarnera pisortaanertut atorfinitsinneqarneranut tunngavilersuutigineqarput.

Sivso Dorphillu nammineq oqarneratuut sivisuumik artornaqisumillu eqqarsaatigereerlugu unammilligassanik nutaanik ujarlerniarnini aalajangerpaa:

- Sinniisoqarfiup kingullermik ataatsimiinnerani oqaatigaara naggataamik siulittaasumut qinigassanngortillunga. Aallaqqaasiininni oqarnittut imaaliarsaalerninni pisinnaalluarallartillungalu unammilligassanik nutaanik ujarlersimavunga, nassaarsimallungalu neriuutigalugu tamanna suliffigiligassannut aamma iluaqutaajumaartoq, Qaasuitsup Kommuniani Kultureqarnermut, Atuartitaanermut Sunngiffimmilu pisortaanertut atorfinittussaq Sivso Dorph IMAK-ip nittartagaani allappoq.