Qaasuitsup Kommuniani inuttaasut kommunimi kommunalbestyrelsimilu politikkikkut aalajangikkanik paasissutissinneqarneq ajorput, soorlu aamma kommunalbestyrelsemi ataatsimiinnermit imaqarniliat nittartakkakkulluunnit atuarneqarsinnaanngitsut. Tamannalu naammagineqanngilaq.
- Kommuni paasissutissiinerusarnissaq aammalu innuttaasut peqataatinneqarnerunissaat pingaaruteqarpoq, kommunalbestyrelsemi ilaasortaq, Demokraatineersoq, Ane Lone Bagger oqarpoq nangillunilu:
- Innuttaasulluunniit ataatsimiinnermit imaqarnilianik nittartakkakkut paasissutissinneqarneq ajorput tamannalu uggornarpoq.
Borgmesterip Jess Svanep politikkikkut aalajangikkat pillugit innuttaasunut paasissutissiisoqarpiartannginnera nassuerutigaa, tamannalu aaqqiiffigineqassasoq neriorsuutigalugu.
- Attaveqatigiinnermut pisortamik, paasissutissiisartumik nittartakkamillu akisussaasumik atorfinitsitseqqammerpugut taamaattumik pitsaanerusumik paasissutissiigasuartarnissarput anguniarlugu suliniuteqarpugut, Jess Svane oqarpoq.