Qaasuitsup kommunia avinneqassanngilaq
Borgmester Jess Svane ullaaq manna oqarpoq, kommunip siunissaa pillugu ippassaq taasisoqarneratigut, amerlanerussuteqartut "nunarsuarmi kommunit annersaata" ataatsimoortinniarneranik sulineq ingerlaannassasoq.
- Taama aalajangiineq nuannaarutigaara, tamannami taaseqataaffigigakku, tassami kommuninik aaqqissuusseqqinneq eqqukkatsigu tamanna suliassarileratsigu, Jess Svane oqarpoq.
Borgmesterilli ilanngullugu ilisimatitsissutigaa, 2013-imi kommunalbestyrelsimut qinersinerup kingorna pineqartup oqaluuserineqaqqissinnaanissaa mattunneqanngimmat.
- Taamanikkussamut kommunalbestyrelsi immaqa allatut isumaqartunik allanik ilaasortaqalersimassaaq. Maannali suliassatut aalajangiussimasatta naammassiniarnissaa suliareqqaarallassavarput, Jess Svane naggasiivoq.
