Qaasuitsumi ikaarsaariarnermi ataatsimiititaliat inissitsitilersut

Kommuneqarfik Sermersuumi kommunalbestyrelsip ippassaq marlunngornermi inissitsititeriffiuneratigut Qaasuitsup Kommuniani ikaarsaariarnermi ataatsimiititaliat inissitsiternissaat amigaataaginnalerpoq.
maajip 05-at 2017 07:19
Nutserisoq Simon Uldum -

Ikaarsaariarnermi ataaatsimiititaliap K1-ip, Qaanaamut, Upernavimmut, Uummannamut Ilulissanullu qinersivimmut atuuttup, Ilulissani kulturikkut illorsuarmi Sermermiuni sapaammi maajip arfineq-aappaani nalunaaqutaq 14 inissitsiteriffiussasoq kommunip ilisimatitsissutigaa.

Ikaarsaariarnermi ataatsimiititaliaq, Qeqertarsuarmut, Qasigiannguanut, Aasiannut Kangaatsiamullu qinersivimmut atuuttoq, Aasianni katersortarfimmi arfininngornermi maajip 13-iani nalunaaqutaq 13 inissitsititeriffiussaaq.

Qeqqata Kommuniani kommunalbestyrelsi siulliulluni inissitsiteriffiuvoq. Tamanna sapaatit-akunnerata siuliani, pingasunngornermi apriilip 26-ani pivoq.

Siumumeersoq 38-nik ukiulik Malik Berthelsen borgmesterinngorpoq parteeqataalu Gideon Lyberth borgmesterip tulliatut siullertut toqqarneqarluni. Inuit Ataqatigiinneersoq Juliane Enoksen borgmesterip tulliata aappaatut toqqarneqarpoq.